ا لـمـفـتـش سـلـو مـبـو :::*:::, توبيك متجدد باستمرار..خد القرار..أوعي تحتار..أدخل توبيك نااااااااار

ماشى

النهاردة حصلت حاجة غريبة قووووووووووي ohmy.gif

اسلام كله تمام الشهير ( بالخبرة ) كان محضر رسالة الدكتوراة بتاعته واسمها ( بوس الواوا وتحديات العولمة )

وكان فيه صراع شرس بينه وبين ناس ( هيفا ) بتقول انهم هما اصحاب الفكرة

لكن اسلام كله تمام حافظ علي فكرته وكان الناس الهايفين بيدورا عليه في كل مكان عشان يسرقوا رسالة الدكتوراة

وفي يوم راح اسلام كله تمام محل شهير في سمالوط عشان يشتري بدلة

وكان كالعادة رسالة الدكتوراة تحت باطه ومعاه في كل حتة

وكان في المحل 3 اشخاص

غادة سكر زيادة : صاحبة المحل اللي كانت شغالة لكلك لكلك في الموبايل بتاعها


مصطفي فجأة اختفي : اللي كان بيساعد اسلام كله تمام في قياس بدلته


ميرنا مشربتش من نيلها: اللي كانت زبونة في المحل وبتقيس فستان الطلاق بتاعها


وبعد ماخلص اسلام كله تمام قياس البدلة لقي رسالة الدكتوراة بتاعته فجأة اختفت

ولقينا مصطفي فجأة اختفي رجع تاني قوام وبينهج جامد ومشحور ع الاخر

وغادة سكر زيادة خلصت لك لك لما رصيدها خلص

وميرنا مشربتش من نيلها كانت لسه ماخترتش الفستان بتاع الطلاق لان مافيش فستان اسود



ولما سألنا التلاتة اذا كان حد فيهم شاف رسالة الدكتوراة بتاعت الواوا صح قالوا

غادة سكر زيادة : أنا اساسا مكنتش فاضية للكلام ده انا صاحبة محل محترم واسال عني جريدة اخبار الحوادث وبرنامج خلف الاسوار يا دلعدي ده انا كنت بكلم صاحبتي ويلا عشان عندي شغل اصلي عايزة اتصل بالجيرل فريند بتاعتي من موبايلي يا اخويا عشان نكمل لك لك ... ألو

مصطفي فجأة اختفي : أية يا بيه واوا ايه ده انا خريج سيدي الالي يالالالي يالالالي اشهر كتاب في قرية اللأ اللأ لأ ملكش حق بس الزمن خلاني اشتغل شغلانة مش قد مؤهلي انا اختفيت فجأة عشان الزبون ده شكله اساسا محلتوش مليم ومش هيديني بقشيش قولت اروح لزبون تاني متريش لكن انا معرفش اي حاجة عن الواوا ولا عمري بوستها انا شريف يا بيه

ميرنا مشربتش من نيلها : أف بقه بقالي 7 ساعات بدور علي الفستان بتاع طلاقي طب اوري وشي للمجتمع ازاي وانا بتطلق سكيتي مليتي كده زي الطبقة الوسطة اللي مبيطلقوش خالص ناس رجعيين ومش مستحميين بتقول ايه اساسا انت يا رجعي انت رسالة دكتوراة ايه دي اللي اسرقها هو انا نشالة وبعدين بوس الواوا دي مش بتاعت اسلام كله تمام دي بتاعت ابلة هيفا وهوة اللي سرقها ونسبها لنفسه وكويس قوووووي انها اتسرقت ها ها ها

اسلام كله تمام الواد الخبرة ها ها ها معرفش مين اللي سرق رسالة الدكتوراة وباس الواوا صح

أنا عرفت مين اللي سرق رسالة الدكتوراة من اسلام كله تمام

لو انت كمان عرفت قولنا هو مين

1 . غادة سكر زيادة

2 . مصطفي فجأة اختفي

3 . ميرنا مشربتش من نيلها

أتصل بيا من أي خط او كارت علي زيرو صفرين صفر زيرو

وابقوا قابلوني في الحلقة الجاية

مع تحيات المفتش سلومبو