رضعى طفلك مرارة
وازرعى ف ايديه حجارة
الكلاب لما تحاربكم
الرصصاص فيهم خسارة
دربيه ع النتفاضة
اشحنيه..عبيه ارادة
طلعيه ف الركب يزحف
قبل ما يبيدوه ابادة
واصمدى قدام عيالك
حطمى سجن احتلالك
الوطن بركان بيغلى
اعملى فيه ما بدالك
صرختك جمعت شعبنا
محنتك وجعت قلوبنا
صدعى المعبد نهده
ع العدو وإحنا ونصيبنا
عند باب القدس نادى
مين يغيتك يابلادى
نطلع الاعلام ترفرف
ينزل الطوب عالاعادى
والشهيد خليه بدمه
متشليش فى الدفن همه
كل عربى يبقى خاله
كل مصرى يبقى عمه
شد حيلك يلا قومى
حطى همك فوق همومى
نشفى ريق الصهاينه
وف بحور الدم عومى
ع اليهود صبى جحيمك
فرغى فيهم سمومك
لو رموكى ف نار جهنم
متخافيش اليوم ده يومك
امسكى الارض اعصريها
طلعى القهر اللى فيها
التراب مليان جماجم
صبى دمعك... عطريها
بالحجر هتقوم قيامه
والشهيد هو العلامه
بكره طوب الارض يهتف
وانتى راجعه بالسلامه
ياللى اصرارك هزمهم
نكسى فى الطين عملهم
اوعى تنسى ان الاعادى
لوثوا الاقصى بجزمهم
ارجمى الدوله اللعوبه
دانتى من نسل العروبه
الاسود سنيلها سيفك
والكلاب ديتها طوبه
ياملاك عايش مشرد
انفخى ف النار لتبرد
للتاريخ ايام مجيده
والسنين الجايه ... امجد
قولى لابنك اوعى يخضع
لو يحطوا فى قلبه مدفع
وان سواد الليل طواكى
زغرطى للفجر.... يطلع
يبدر النور بين كفوفك
ع الصدور ينفش حروفك
الانتصار قرب ياسالمه
فين صلاح الدين يشوفك